وصفة كيكة الشوكولاتة الهشة… خفيفة زي القطن وطعمها ولا أروع

[KURD4SATKURD4SAT is verified member.]

المكونات:

٢ كوب دقيق

١ كوب سكر

½ كوب كاكاو خام

١ كوب لبن

½ كوب زيت

٣ بيضات

¼ كوب ماء مغلي

١ ملعقة صغيرة فانيليا

١ ملعقة كبيرة خل

١ ملعقة كبيرة بيكنج بودر

رشة ملح

---

طريقة التحضير:

1. سخّني الفرن على 180 درجة.

2. اخلطي البيض مع السكر والفانيليا لحد ما يبقى الخليط هش ولونه افتح.

3. ضيفي الزيت واللبن والخل وقلّبي لحد ما يتجانسوا.

4. في بولة تانية، اخلطي الدقيق مع الكاكاو والبيكنج بودر ورشة الملح.

5. انزلي بالمكونات الجافة على السائلة بالتدريج مع التقليب لحد ما يبقى الخليط ناعم.

6. في الآخر ضيفي ربع كوب الماء المغلي وقلّبي بسرعة… ده اللي هيخلي الكيكة طرية وطعم الشوكولاتة أعمق.

7. صبّي الخليط في صينية مدهونة ومبطنة دقيق.

8. دخّليها الفرن من 35 لـ 40 دقيقة أو لحد ما السكينة تطلع نظيفة.

9. سيبيها تبرد، وقدّميها بصوص شوكولاتة أو رشة كاكاو.

---

صوص الشوكولاتة السهل:

½ كوب زيت

½ كوب كاكاو خام

½ كوب سكر

معلقة صغيرة نسكافيه

معلقة صغيرة فانيليا

كوب إلا ربع حليب

اخلطيهم كلهم في الخلاط لحد ما يبقوا أحلى صوص شوكولاتة جاهز على طول!

 

[رامي]

شكرا اخي العزيز